－凳係俾人坐，唔係俾你擺野－
日日都有客，黑起面，嫌枱細，嫌無位放野。
你要明白，香港地地少人多。
土地問題既關係，我做果幾間餐廳連員工休息室同OFFICE位置都無，
唔好話 "俾 多 張 凳 俾 你 擺 野"
最好笑係，唔會有人係電話度問：
『我會帶我手袋黎，你預張凳我擺袋啦。』
但佢地會黑面，當場問：
『你唔俾張凳我擺袋，咁我個袋放係邊？』
訂位訂2人，俾2人位2張凳係正常。
點解當小姐們有手袋時，就要我俾3人位你呢？
餐廳每一張凳，都可以服務一個客人。
一張凳，可以收一個人錢。
我分左一張凳俾你，我張2人枱變左1人枱。
WALKIN 2人都入唔到張1人枱。
姐係我分一張凳放你個鳩袋，走左我2個客既錢。
你值唔值呢？
即使你個袋幾貴都好，你洗唔洗得起又係一回事。
麻煩你問果句9野之前，
諗一諗⋯⋯
你煩唔L煩？
不如番屋企食啦。
Search